Dezmond Dez – Roti Königin
Mir wei alles zrügg!
Vo Geburt a i dr Unterzahl
grundlos unter Verdacht sit de Jugendtage
im Usgang unter Usflücht nid i Club glah
ungfragt kontrolliert vom Schutzmaa, sit em erschte Schueltag
als hätt jede, mit mim Ussehe, Droge oder Schusswaffe derbi gha
derbi hani no nie z’Gfüehl gha, z’Gsetz sigi zu mim Schutz da
meh Angst vor dr Polizei aus Kriminelle usem Usland
117 wott nid, ds ä junge Brueder Plus macht
drum liegt dr Bullehass bi üs i dr Natur vor Sach
Phantomschmärze bi jedem neue Video
i däm ä wiisse Cop uf öpper Schwarzes schiesst
und garantiert straffrei bliibt, ganz egal wi d’Fakte si
dir heit eui Privilegie so lang gha
mittlerwiile nähmet dir si als normal wahr
alles, wo anders isch, nähmet dir als Gfahr wahr
alles, wo dir nid kennet, het nech immer nume Angst gmacht
Lüt mit Carte Blanche schribe z’Dräihbuech zu däm Film Noir
I bi 400 Jahr aut
Es geit ei Schritt füre (ei Schritt füre)
zwöi Schritt zrügg (zwöi Schritt zrügg)
du rennsch dopplet so schnäll (ds isch z’Renne vo der…)
aber chunnsch nur halb so wiit (… vo der rote Königin)
Ei Schritt füre (ei Schritt füre)
zwöi Schritt zrügg (zwöi Schritt zrügg)
du rennsch dopplet so schnäll (ds isch z’Renne vo der…)
aber chunnsch nur halb so wiit (… vo der rote Königin)
Was fürne Wält: Mir müesse schreihe, ds schwarzi Läbe zellä
und bechöme när als Antwort, dass alli Läbe zellä
sit de Chindertage längt me üs i t’Haar
als wär’s Teil vo üsem Erbguet, üsi Körper Gemeinguet
und si mir Teenies, sitzt niemer meh näbe üs im Tram
jitz luege si nur ängstlech und häbe ihri Täsche
mir schiesse Goal, sie Banane vor üsi Füess
mache Affegrüüsch kombiniert mit Fascho-Grüess
und weme sich beschwärt, ds öpis rassistisch isch
erklärt me dir us männlech-wiisser Schwiizer Sicht
warum ds falsch isch und äbe nid rassistisch sig
Klar: Verzell mir bitte meh, wiä’s sich afüehlt mi z’si
vrzell mir, wi ds isch, we me ging het müesse flissiger und besser si als anderi
um d’Waag o nur im Gliichgwicht chönne z’häbe
wenn di Lehrer dir ä Lehr empfiehlt, wüel er’s für di besser fingt
obwohl ds du im Gymi bisch
vrzell vo dire Fasnacht mit Blackface u Klan-Tracht
vrzell, wiä’s Tradition isch und Spass macht
dir heit eui Privilegie so lang gha
für euch füehlt sich Gliichberächtigung wi Unterdrückig a
alles, wo anders isch, nähmet dir als Gfahr wahr
alles, wo dir nid kennet, het nech immer nume Angst gmacht
Lüt mit Carte Blanche schribe z’Dräihbuech zu däm Film Noir
I bi 400 Jahr aut
Es geit ei Schritt füre (ei Schritt füre)
zwöi Schritt zrügg (zwöi Schritt zrügg)
du rennsch dopplet so schnäll (ds isch z’Renne vo der…)
aber chunnsch nur halb so wiit (…vo der rote Königin)
Ei Schritt füre (ei Schritt füre)
zwöi Schritt zrügg (zwöi Schritt zrügg)
du rennsch dopplet so schnäll (ds isch z’Renne vo der…)
aber chunnsch nur halb so wiit (…vo der rote Königin)
Solang dir Vorurteil heit, gits uf dere Wält kehs Gliich-Si
mir hei di Umständ nid entworfe, ds sit dir gsi
heit es Stigma gmacht us üser Huutfarb
und üs gseit, mir söues trage wines Wundmal
doch mir trages wine Guldmedaille, – Kunta
doch mir trages wine Guldmedaille, – Toussaint
doch mir trages wine Guldmedaille, – Du Bois
doch mir trages wine Guldmedaille, – Tupac
Mir wei alles zrügg, wo si üs hei gstohle:
Üse Flow, üse Soul, üse Stolz
Mir wei alles zrügg, wo si üs hei g’rippt:
üsi Näme, üsi Gsichter, üsi Gschicht
Mir wei alles zrügg, wo si üs hei gno:
üsi Kunscht, üse Look, üsi Kultur
üses Guuld, üsi Würd, üses Glück
u mir warte nümm lang druf: Mir wei alles zrügg!
- KundeDezmond Dez
- KategorieMusikvideo
- Dauer04:16 Minuten
- Jahr2022